🆅🅸🅳🅴🅾 मस्तूरी : मनरेगा म गड़बड़ी ल लेके साल भर म 3 शिकायत, फेर अब तक नई होइस कोनो कार्यवाही

मनरेगा विभाग म फर्जी मास्टर के मामला कोई नया नई हे, विभाग म आय दिन फर्जी मस्टर रोल अउ फर्जी तरीका ले राशि आहरण के मामला आय दिन आघु आवत हे, अइसे ही मामला बिलाकसपुर के मस्तूरी जनपद पंचायत के ग्राम पंचायत धुरवाकारी ले आये हे, जिन्हा मनरेगा के तहत बनाय गए डबरी निर्माण कार्य म जे.सी.बी. ले कार्य कराये अउ फर्जी तरीका ले मस्टर रोल जमा करे के मामला आघु आये हे, दरसल साल 2020 -21 म ग्राम पंचायत धुरवाकारी म धर्मेन्द्र भारद्वाज के नाव ले 2 लाख 49 हजार के लागत ले मनरेगा के तहत डबरी सेंक्शन होय रहिस, जेमा रोजगार सहायक कति ले हितग्राहि मनला बिना बताए jcb मशीन ले खोदाई करा दिये गइस संगेसंग हितग्रहि मनके नाम म  मस्टर रोल जारी कर दिए गइस, जेमा हितग्राहि मनके बिना हस्ताक्षर के ही मस्टर रोल जमा कर दिए गइस, जबकि हितग्राहि मनला येकर कोई जानकारी ही नई हे, जब मामला के जानकारी हितग्राहि मनला होइस तब हितग्राही मन जनपद पंचायत,जिला पंचायत अउ कलेक्टरेट म शिकायत करिन येकर बाद विभाग कति ले दु बार जांच करे गइस अउ जेमा कोई त्रुटि नई मिलिस। जबकि हितग्राही मनके पास जारी मस्टर के फोटो कॉपी म साफ देखे जा सकत हे के मजदूर मनके बिना हस्ताक्षर के ही मस्टर जारी हो गइस अउ राशि घलोक आहरण हो गइस।