छत्तीसगढ़ के आज के खबर बर कल के इंतजार काबर…पढ़व आज दिनभर के हर छोटे बड़े खबर मात्र 2 मीनट म अऊ रहव अपडेट

10 रुपिया के सिक्का नई लेहे म दर्ज होही केस
रायपुर के दुकान मन म 10 रुपिया के सिक्का नई लेहे म केस होही दर्ज, ये मामला म जिला प्रशासन अपना सकत हे सख्त रुख, रायपुर के कलेक्टर कहीस के RBI के जारी मुद्रा लेहे ले इनकार करे जाही त ओकर खिलाफ मामला करे जाही दर्ज

संजीवनी 108 के टीम मिसाल करीस पेश
कोरबा म एक बार फेर 108 संजीवनी एक्सप्रेस के टीम ह अपन काम ले सेवा अउ समर्पण के मिसाल करीस कायम, 108 के टीम खोरिभाना निवासी सुंदर सिंह के जान बचाय पहाड़ पार कर 3 किलोमीटर तक खाट ले लेके हॉस्पिटल पहुचाके बचाईन जान

भाजपा के अनोखा प्रदर्शन
रायपुर के साइंस कॉलेज ग्राउंड तीर भाजपा नेता अवैध चौपाटी के करत हे विरोध, भाजपा नेता मन मुखौटा लगाके कांग्रेस के खिलाफ करीस अनोखा विरोध, विकास ताश के गड्डी के संग त लखमा खरीदत हे चखना, जुनेजा स्कूटर म ढेबर ल बिठाए घूमत आईस नजर

जिला अस्पताल म पहली बार 22 बेड के ICU
बिलासपुर जिला अस्पताल म पहली बार तैयार होईस आईसीयू वार्ड, दूसर माला म येकर व्यवस्था होईस शुरू, 23 साल बाद जिला अस्पताल म गंभीर रोगी ल मिलही इलाज, दु दिन पहली शुरू होय वार्ड म कैंसर, पैरालिसिस के मरीज हे भर्ती, जिनकर चलत हे इलाज

दुकान म मिलीस 200 अवैध गैस सिलेंडर
रायपुर के एक कारोबारी ले पुलिस ह 200 गैस सिलेंडर करीस जब्त, बिना कोनो रोक टोक के ये कारोबारी पुरानी बस्ती के लीली चौक म अवैध रूप ले गैस सिलेंडर म रिफलिंग के करत रहीस काम, पुलिस ह कारोबारी सीताराम अग्रवाल ल करीस गिरफ्तार

एयरपोर्ट के रनवे म घूमत दिखीस सियार
बिलासपुर के बिलासा देवी केवट एयरपोर्ट के रनवे म जंगली जानवर के मंडराय लगे हे खतरा, रनवे म सियार के घूमे के खबर ह एयरपोर्ट अथॉरिटी के उड़ाईस नींद, सियार के घूमे ले यात्री मन के सुरक्षा बर माने जावत हे खतरा

2 लोगन के हत्या करईया 21 आरोपी गिरफ्तार
दुर्ग चोर अउ कबाड़ी के दु गुट के बीच विवाद म 21 बदमाश मन मिलके 2 लोग के करे रहीन हत्या, रॉड, तलवार, कुल्हाड़ी, फावड़ा, लाठी-डंडा अउ ईटा-पथरा ले हमला कर दु लोगन ल उतारे रहीन मौत के घाट, अब ये मामला म पुलिस ह सबो आरोपी ल करीस गिरफ्तार

145 नग कफ सिरफ संग तस्कर गिरफ्तार
बिलासपुर पुलिस ह नशा के खिलाफ कार्रवाई करत एक युवक ल कफ सिरफ के संग करीस गिरफ्तार, तस्कर तीर ले प्रतिबंधित 145 नग कफ सिरफ जब्त, ओमनगर जरहराहाभाठा निवासी सतीश रात्रे नशीला दवा के करत रहीस बिक्री

रश्मि सिंह के खिलाफ दुर्व्यवहार करे के आरोप
बिलासपुर विधायक रश्मि सिंह ले नाराज सतनामी समाज के लोगन उनकर खिलाफ लगाईस नारा, तखतपुर ले समाज के लोगन बड़का संख्या म पहुचीस कलेक्टर कार्यालय, जिहां संसदीय सचिव रश्मि सिंह द्वारा समाज के लोगन ल अपमानित करे ल लेके कलेक्टर ल सौपिस ज्ञापन

झाड़ी म मिलीस नवजात
बिलासपुर के तखतपुर क्षेत्र ले मानवता ल शर्मशार करे के आईस मामला, पेंड्री के नहर म एक कलयुगी मां अपन कलेजा के टुकड़ा ल फेंकके दबे पांव होईस फरार, पुलिस ह बच्चा ल करीस बरामद, डायल 112 के मदद ले लाए गईस सामुदायिक स्वास्थ्य केंद्र, प्राथमिक उपचार के बाद जिला अस्पताल करे गईस रेफर

10 नक्सली करीन सरेंडर
दंतेवाड़ा पुलिस के घर वापसी अभियान ल मिलीस बड़का सफलता, 8 इनामी माओवादी सहित 10 नक्सली मन सीआरपीएफ, डीआईजी अउ एसपी दंतेवाड़ा के समक्ष डारीस हथियार, सबो नक्सली उपर हत्या, आगजनी, लूट, आईईडी ब्लास्ट जईसे दर्जनों मामला थाना म हे दर्ज

बैंक के आघु ले ले उड़ीस 1 लाख 70 हजार
बिलासपुर के तखतपुर म एफसीआई रिटायर्ड मैनेजर उठाईगिरी के होईस शिकार, स्कूटी म रखे बैग ले 1 लाख 70 हजार रुपिया शातिर चोर करीस पार, अज्ञात आरोपी के खिलाफ केस दर्ज, नगर के पुराना बसस्टैंड के आईडीबीआई बैंक के सामने के मामला, बिलासपुर राजकिसोर नगर निवासी रिटायर्ड एफसीआई मैनेजर सत्रुघन सिंह राजपूत उठाईगिरी के होईस शिकार